നീ കുരങ്ങിനെ ഓർത്തു കാണും

ഫലിതപ്രിയനായ ഒരു ചങ്ങാതി ജീവിച്ചിരുന്നു. ആർക്കെങ്കിലും പല്ലുവേദന വന്നാൽ താൻ മന്ത്രിച്ചു കൊടുത്താൽ സുഖപ്പെടുമെന്നാണ് അയാൾ അവകാശപ്പെടാറ്. ആരെങ്കിലും വന്നാൽ മന്ത്രിച്ച ശേഷം പറയും: "ഇന്ന് രാത്രി ഉറങ്ങാൻ കിടക്കുമ്പോൾ കുരങ്ങിനെ ഓർക്കരുത്. ഓർത്താൽ മന്ത്രം പൊളിയും". അയാൾ സ്വഭാവികമായും അതിനെ ഓർത്തു പോകും. ശമനമില്ലാതെ രാത്രി കഴിച്ചുകൂട്ടും. രാവിലെ വീണ്ടും ഓടി വരും: "ഇന്നലെ വേദന കാരണം ഉറങ്ങിയിട്ടേയില്ല"
"കുരങ്ങിനെ ഓർത്തു കാണും, അല്ലേ?"
"അതെ "
"അതു മുതൽ മന്ത്രം ഫലിക്കാതെയായല്ലോ"
( ജാഹിള്, തഹ്ദീബുൽ ഹയവാൻ, പേ. 124)

>> മറക്കരുത്, മറ്റുള്ളവരുടെ വേദന നമുക്ക് ആഘോഷിക്കാനുള്ളതല്ല