പ്രണയത്തിന്‍റെ അനുഭൂതി

Sajeer Bukhari

15/6/2016 

അല്ലാഹുവിനെ മാത്രം പ്രണയിച്ചു ജീവിച്ചിരുന്ന ഒരാളുടെ കാലിൽ പുണ്ണുണ്ടായി. അണുബാധ മൂർഛിച്ച് കാൽ മുറിച്ചു മാറ്റേണ്ട നിലയെത്തി. അല്ലാതെ വേറെ വഴിയില്ലെന്നായി വൈദ്യൻ. അയാളുടെ മാതാവ് പറഞ്ഞു: "അവൻ നിസ്കരിക്കുന്നതു വരെ വെറുതെ വിട്ടേക്കൂ, നിസ്കാരത്തിൽ അവനൊന്നും അറിയില്ല ". പിന്നീട്, അദ്ദേഹം നിസ്കരിച്ചു കൊണ്ടിരുന്നപ്പോൾ കാൽ ഛേദിച്ചു മാറ്റി. അദ്ദേഹം ഒന്നും അറിഞ്ഞതേയില്ല - റളിയല്ലാഹു അൻഹു ( റൗളുർ റയാഹീൻ 224). 

യൂസുഫ് അ.മിനോടുള്ള പ്രേമതിരേകത്തിൽ വിഭ്രമിച്ചു പോയ മിസ്റിലെ പെണ്ണുങ്ങൾ വിരൽ ഛേദിച്ചു കളഞ്ഞുവല്ലോ. പടപ്പുകളോടുള്ള പ്രണയ പാരവശ്യത്തിൽ ഇത്രയും വിലയിക്കാമെങ്കിൽ ആത്മാർത്ഥമായ ഇശ്ഖേ ഇലാഹിയിൽ സ്വയം നഷ്ടപ്പെട്ടവരുടെ അനുഭൂതി എത്രയായിരിക്കും; യാ അല്ലാഹ് ...!


comments:

عبد الحميد ابن صوفي യൂസുഫ് നബിയോടുള്ള പ്രണയത്തിൽ ലയിച്ചാണോ പെണ്ണുങ്ങൾ കൈ മുറിച്ചത്...?
സൗന്ദര്യം കണ്ടല്ലേ...?

Like · Reply · 2 · 23 hrs

Muhammad Sajeer Bukhari അവർക്ക് തോന്നിയത് കേവലം സൗന്ദര്യം കണ്ടിട്ടുള്ള അതിശയമായിരുന്നില്ല, ഒരു തരം കാമവിഭ്രമം ആയിരുന്നു. അതുകൊണ്ടാണല്ലോ സലീഖ അവർക്കെതിരെ അതു ആയുധമാക്കിയത്. സലീഖക്ക് കാമ ഭ്രാന്താണ് എന്ന് പറഞ്ഞവരെയാണ് അവർ ഉത്തരം മുട്ടിച്ചത്. പിന്നെ, ഞാൻ കാമം എന്ന പദം ഉപയോഗിക്കാതിരുന്നത് അദബ് വിചാരിച്ചാണ്